A asociación Autismo BATA únese á campaña iniciada polas asociacións Fademga e Aedigal para esixir un financiamento "digno" para a discapacidade intelectual. Así, baixo a lema 'A discapacidade intelectual en loita. Sen financiamento non hai futuro', buscan implicar ás familias, profesionais e á sociedade en xeral na defensa dos servizos que garanten dereitos e apoios fundamentais para miles de persoas con discapacidade intelectual en Galicia.
Denuncian un financiamento "insuficiente" e falta de diálogo institucional. Así, apuntan que co incremento salarial do 10% derivado do XVI Convenio Colectivo, unha inflación acumulada superior ao 10,5% e un aumento do salario mínino do 18,4%, atópanse ante unha "asfixia económica" ante a que a Xunta só propón unha subida nos módulos económicos do concerto social de entre un 5,40% e un 7,88%. "Resulta completamente insuficiente para garantir a viabilidade dos servizos e a estabilidade do persoal", argumentan.
Apuntan tamén que a Consellería de Política Social continúa sen ofrecer unha resposta nin convocar interlocución directa co sector, a pesar das peticións formais realizadas por Fademga.
Autismo Bata explica que, no seu caso concreto, esta falta de financiamento tradúcese en restrasos en investimentos e incremento do déficit, entre outras cousas. Advirten de que se a situación alóngase no tempo, veríase afectado o mantemento do persoal e a posibilidade de prestar servizos acordes a uns estándares de calidade óptimos.
A asociación atende actualmente a máis de 200 persoas con autismo e ás súas familias, ofrecendo servizos como Unidade de Avaliación e Diagnóstico, Servizo Educativo, Unidade de Apoio en Contextos Naturais, Servizo de Apoio Familiar, Servizo de Día, Vivendas Comunitarias, Servizo de Emprego, Servizo de Lecer... que se verán "gravemente comprometidos se non se garante un financiamento idóneo".
Avanzan ademais que, de continuar a situación desta maneira, apoiarán as accións conxuntas previstas pola Federación Fademga e por AEDIGAL, entre elas a convocatoria dunha rolda de prensa aberta aos medios e o inicio dun calendario de mobilizacións progresivas do sector.
CRÍTICAS FINANCIAMENTO ELA
Por outra banda, a Asociación Galega de Esclerose Lateral Amiotrófica (AgaELA) mostrou a súa "indignación" e "decepción" ante o alcance real das medidas aprobadas polo Goberno a través do Real Decreto-Lei 11/2025 para apoiar ás persoas afectadas por ELA. Argumentan que as axudas son "moi restritivas" e que só beneficiarán, aproximadamente, ao 5% dos afectados.
Apuntan ademais chegan "practicamente ao límite do prazo legal" e non cobren as necesidades reais do colectivo en conxunto. "Deixa abandonados ao resto de afectados que tamén son dependentes e necesitan dos seus propios coidados especializados", alegan, destacando que as medidas chegan tarde para moitos e non son suficientes.
AgaELA denuncia que os criterios para acceder ás novas axudas son "extraordinariamente restritivos" xa que o Real Decreto-Lei crea un novo grao de dependencia denominado 'Grao III+' dirixido unicamente a persoas en fase moi avanzada da enfermidade.
Escribe tu comentario